სერია - გაკვეთილის გეგმა - ისტ-ის გამოყენება მათემატიკაში.

მასწავლებელი: მარინე ღვედაშვილი

საგანი: მათემატიკა

კლასი: IX

თემა: წრფივ ერთუცნობიან უტოლობათა სისტემა.

დრო: 45 წუთი.

მოსწავლეთა პროფილი: 17, სსმ საჭიროება არ არის.

გაკვეთილის მიზანი:

მოსწავლეები შესძლებენ ტექსტური ამოცანის მიხედვით ერთუცნობიან უტოლობათა სისტემის შედგენას და ისტ-ის გამოყენებით კერძოდ წინასწარ მობილურ ტელეფონებზე აქვთ დაყენებული სპეციალური APP, გრაფიკის აგებას და შედეგის გამოტანას.

მოსწავლეთა მოსალოდნელი შედეგები:

1. შეუძლიათ სახელმძღვანელოში მოცემული ტექსტური ამოცანიდან ერთუცნობიან უტოლობათა სისტემის შედგენა;
2. შეუძლიათ ისტ-ის გამოყენებით შედგენილი უტოლობათა სისტემის მიხედვით გრაფიკული გამოსახულების აგება;
3. ფლობენ მართკუთხა კოორდინატთა სისტემას და მიღებული გამოსახულებით ადგენენ ამოცანის შედეგს.

ეროვნული სასწავლო გეგმის სტანდარტი:

მათ.IX.7.2 ტექსტური ამოცანების ამოხსნისას და/ან რეალური ვითარების მოდულებისას ადგენს და ხსნის ერთუცნობიან უტოლობათა სისტემას; ახდენს ამონახსნის სიმრავლურ ინტერპრეტაციას.

საჭირო წინარე ცოდნა და უნარ-ჩვევები:

რაციონალური რიცხვები, მართკუთხა საკოორდინატო სიბრტყე, კოორდინატები სიბრტყეზე, ერთუცნობიანი განტოლება, ერთუცნობიანი უტოლობა, ერთუცნობიან უტოლობათა სისტემა.

შეფასება და თვითშეფასება:

განმავითარებელი შეფასება - გაგება გამოყენების დონეზე.

განმსაზღვრელი შეფასება - შეფასების რუბრიკა (დანართი 1).

სასწავლო მასალა და რესურსები:

ცარცი, დაფა, კალამი, რვეული, ფანქარი, სახაზავი, ფლომასტერი, სახელმძღვანელო, მობილური ტელეფონი, APP, ფლიპჩატი, ინსტრუქცია.

აქტივობა №1 - ფრონტალური კითხვები, ორგანიზების ფორმა - ჯგუფური, 5 წუთი

აქტივობის მიზანი:

მოსწავლები შესძლებენ გაიხსენონ დავალების შესასრულებლად საჭირო წინარე ცოდნა.

აქტივობის აღწერა:

მოსწავლეები კლასში დამხვდებიან ჯგუფებად განაწილებული. წინასწარ არის არჩეული მენეჯერი, ჩამწერი, წარმდგენი და დროის აღმრიცხველი. ჯგუფებს ვაძლევ ფრონტალურ კითხვებს წინარე ცოდნის გასახსენებლად.

აქტივობა №2 - ამოცანის წარდგენა, ორგანიზების ფორმა - ჯგუფური, 5 წუთი

აქტივობის მიზანი:

ამოცანის გაცნობა. მოსწავლეთა მობილიზება სამუშაოს შესასრულებლად

აქტივობის აღწერა:

ჯგუფებს ინდივიდუალურად ეძლევათ შესასრულებელ დავალებად სახელმძღვანელოში მოცემული ტექსტური ამოცანა და ინსტრუქცია მობილურ ტელეფონზე მუშაობის შესახებ.

მოსწავლეები შეიარაღებული არიან საჭირო რესურსით.

აქტივობა №3 - თანამშრომლობითი მუშაობა, ორგანიზების ფორმა - ჯგუფური, 20 წუთი

აქტივობის მიზანი:

მოსწავლეები ადგენენ ტექსტური ამოცანის მიხედვით ერთუცნობიან უტოლობათა სისტემას და მობილური ტელეფონების დახმარებით ააგებენ მიღებულ უტოლობათა სისტემის გრაფიკს, დაადგენენ მიღებული გრაფიკის საფუძველზე შედეგს.

აქტივობის აღწერა:

ოთხი ჯგუფიდან თითოეულს მიეცემა სახელმძღვანელოში მოცემული ტექსტური ამოცანა ბილეთის სახით - არჩევის რეჟიმით. მათ უნდა შეადგინონ ამოცანის მიხედვით ერთუცნობიან უტოლობათა სისტემა, შემდეგ გაამარტივონ და ისტ-ის გამოყენებით, კერძოდ მობილური ტელეფონზე დაინსტალირებულ APP-ისა და ინსტრუქციის დახმარებით სისტემის გრაფიკის აგებას, შედეგის დადგენა და მთელი ნამუშევარის ფლიპჩატზე გადატანა პრეზენტაციის სახით.

აქტივობა №4 პრეზენტაციის წარდგენა, ორგანიზების ფორმა - ჯგუფური, 10 წუთი

აქტივობის მიზანი:

პრეზენტაციის წარმდგენი წარადგენს პრეზენტაციას.

აქტივობის აღწერა:

წარმდგენი გაგვაცნობს შესრულებულ დავალებას.

ჯგუფები ერთიმეორეს უსვავენ მათთვის საინტერესო კითხვებს. მე ვაძლევ განმავითარებელ შეფასებას.

აქტივობა №5 - განმსაზღვრელი შეფასება, ორგანიზების ფორმა - ჯგუფური, 3 წუთი

აქტივობის მიზანი:

მიღებული ცოდნის შეფასება.

აქტივობის აღწერა:

ჯგუფებს ვაძლევ განმსაზღვრელ შეფასებას, ვიყენებ შეფასების რუბრიკას (დანართი 1).

აქტივობა №6 - საშიანაო დავალება, ორგანიზების ფორმა - ინდივიდუალური, 2 წუთი.

აქტივობის მიზანი:

განიმტკიცონ გაკვეთილზე მიღებული ცოდნა მიზნობრივი დავალების შესრულებით.

აქტივობის აღწერა:

ვაძლევ საშინაო დავალებას.

დანართი 1

ცუდი(4-5)	საშუალო(6-7)	კარგი(8-9)	ძალიან კარგი(10)
ჯგუფი ვერ გაერკვია ინსტრუქციაში, ვერ შეძლო საჭირო ფუნქციების შეტანა მობილური ტელეფონის ეკრანზე, ვერ მოახერხა ტექნოლოგიების გამოყენება და შესაბამისად დავალება ვერ შეასრულა, ამიტომ პრეზენტაცია ვერ წარმოადგინა.	ჯგუფმა ნაწილობრივ შეძლო ინსტრუქციაში გარკვევა, ნაწილობრივ მოახერხა საჭირო ფუნქციების შეტანა მობილური ტელეფონის ეკრანზე, ამიტომ არასრულად შეძლო ტექნოლოგიების გამოყენება და შესაბამისად დავალება შეასრულა ცუდად, პრეზენტაციაზე წარმოდგენილი ინფორმცია იყო არაზუსტი.	ჯგუფმა კარგად შეძლო ინსტრუქციაში გარკვევა, მოახერხა საჭირო ფუნქციების შეტანა მობილური ტელეფონის ეკრანზე, ზუსტად გამოიყენა ტექნოლოგიები და შესაბამისად დავალება შეასრულა კარგად, მცირე შეფერხებებით / გადაცდომებით პრეზენტაცია იყო ნორმალური.	ჯგუფმა ძალიან კარგად შეძლო ინსტრუქციაში გარკვევა, ზუსტად მოახერხა საჭირო ფუნქციების შეტანა მობილური ტელეფონის ეკრანზე, სწრაფად შეძლო ტექნოლოგიების გამოყენება და შესაბამისად დავალების შეასრულაც, პრეზენტაცია იყო ძალიან კარგი.

გაკვეთილი ჩატარდა 20.11.2018 წელი - გაკვეთილის ამსახველი ფოტო მასალა და რეფლექსია