მილენიუმის პირველი მოდულის ტრენინგის მეორე სამუშაო შეხვედრის ჩატარება დამევალა. სამუშაო შეხვედრა ჩატარდა რატევნის საჯარო სკოლაში 2017 წლის 23 დეკემბერს, დღის 12 საათზე.
მეორე სამუშაო შეხვედრის მიზანი:
- მოსწავლეთა საჭიროებების შესაბამისი აქტივობების პრაქტიკაში დანერგვის შედეგების წარდგენა;
- შემდგომი ტრენინგის წინა საკითხავი მასალის გაცნობა და დამუშავება.
აქტივობა 1:
რეკომენდებული დრო: 1 სთ. 30 წთ.
ინსტრუქცია:
მეორე სამუშაო შეხვედრაზე კოლეგებმა წარუდგინეთ ერთმანეთს პრაქტიკაში განხორციელებული აქტივობების შედეგები:
- მიაღწიეთ თუ არა დასახულ მიზანს?
- რა გამოგივიდათ კარგად, რას შეცვლიდით
- შეცვალეთ თუ არა გეგმის რომელიმე ნაწილი სამუშაო პროცესში, როგორ და რატომ?
- როგორ შეაფასებდით თქვენ მიერ მიღწეულ შედეგებს?
- რას ურჩევდით კოლეგებს განხორციელებული აქტივობებიდან გამომდინარე?
შეხვედრის პირველი ნაწილი ძალიან პროდუქტიული გამოვიდა, გავუზიარეთ ერთმანეთს ჩვენს მიერ გამოყენებული პრაქტიკული აქტივობები სკოლაში. საუბარმა გვიჩვენა რომ ასეთი შეხვედრები საჭიროა და ძალიან მნიშვნელოვანი.
აქტივობა 2:
რეკომენდებული დრო: 1 სთ. 30 წთ.
ინსტრუქცია:
გადანაწილდით მცირე ჯგუფებში; წინასატრენინგო მასალიდან თითოეულმა ჯგუფმა შეარჩიეთ თქვენთვის საინტერესო მასალა. გაეცანით მასალას ჯერ ინდივიდუალურად (კითხვისას ჩაინიშნეთ თქვენთვის მნიშვნელოვანი საკითხები). ტექსტის დამუშავების შემდეგ ჯგუფის წევრებმა ერთად გაეცით პასუხი შემდეგ კითხვებს:
- რა იყო თქვენთვის მნიშვნელოვანი და რატომ?
- რას გამოიყენებთ პრაქტიკაში?
ჯგუფში ვიყავით ათი პედაგოგი, გადავნაწილდით ორ ჯგუფად, ავირჩიეთ თემები წინასატრენინგო მასალიდან:
- განმავითარებელი შეფასება;
- გენდერული თანასწორობა.
თითოეულმა ჯგუფმა წარმოვადგინეთ პრეზენტაცია არჩეული თემის ირგვლივ, შემდეგ გაიმართა დისკუსია.
მოცემულ კითხვებს ყველამ გავეცით პასუხი დადებითი, რაც მთავარია პრაქტიკაში მისაღები.
შეხვედრამ წარმატებით ჩაიარა.
სურათი შეხვედრიდან:
